Rus qoşunları Xersonda müdafiə mövqeyinə keçdi - Dnepr çayının sol sahilində cəmləşdilər

Nikolayev-Krivoy Roq istiqamətindəki Rusiya qoşunlarının Dnepr çayının sol sahilində hazırlanmış mövqelərə cəmləşməsi həyata keçirilir.

Publika.az xəbər verir ki, bu barədə Rusiya Müdafiə Nazirliyi bildirib.

“Rusiya qoşun qruplarının bölmələrinin təsdiq edilmiş plana ciddi uyğun olaraq Dnepr çayının sol sahilində hazırlanmış mövqelərə manevrləri həyata keçirilir”, - nazirlikdən bildirilib.

Bir gün əvvəl müdafiə naziri Sergey Şoyqu Rusiya Silahlı Qüvvələrinin Birləşmiş Qrupunun komandanı Sergey Surovikinin Xerson vilayətində Dnepr çayının sol sahili boyunca müdafiəni təşkil etmək təklifi ilə razılaşıb. Surovikin qeyd edib ki, Ukrayna Silahlı Qüvvələri Kaxovka bəndini atəşə tutmağa davam edir - bu, əhəmiyyətli itkilərə gətirib çıxaracaq daşqınlara səbəb ola bilər. Bu, qoşunları oradan çıxarmasalar, onların Dnepr çayının sağ sahilində izolyasiya olunacağı ilə hədələnməsi deməkdir. Bununla yanaşı, Xerson yaxınlığında yerləşən qrup Ukrayna artilleriyasının nəqliyyat dəhlizlərinə endirdiyi zərbələrə görə təchizatda çətinlik çəkir.

Komandan vurğulayıb ki, regiondan 115 mindən çox mülki şəxsin çıxarılmasına da nail olunub.

Sergey Surovikin onu da qeyd edib ki, avqust-sentyabr aylarında təmas xəttinin bu hissəsində Ukraynanın itkiləri 9,5 mindən çox ölü və yaralı təşkil edib, rus qoşunları yeddi-səkkiz dəfə az itki verib.

Səxavət