İsrail İranın nüvə obyektlərini məhv edəcək, sonra isə Rusiyaya... - ŞOK SSENARİ

“İsrail indi ciddi şəkildə İranın nüvə potensialını məhv etməyi düşünür. Söhbət 10-15 obyektdən gedir. Müvafiq zərbədən sonra Rusiyanın İranın ballistik raketlərinin (“Fateh-110” və “Zülfüqar” - red.) tədarükü ilə məşğul olacaq heç kim olmayacaq”.

Publika.az xəbər verir ki, bunu ukraynalı politoloq və publisist Andrey Piontkovski deyib.

“Mənə elə gəlir ki, İran rejiminin çox az vaxtı qalıb... Bu əməkdaşlıq kontekstində kəskin şəkildə artan İsrailin mövcudluğuna olan bu təhlükəyə artıq dözmək olmaz. İranın nüvə bombası texnologiyası ilə bağlı həll olunmamış hər hansı bir problemi varsa, Rusiyanın pilotsuz təyyarələr və raketlər tədarükü baxımından İrandan bu qədər asılılığı ilə bütün bunları həll edəcəyi aydındır. Onlar bunu başa düşməyə bilməzlər”, - politoloq qeyd edib.

Onun sözlərinə görə, ABŞ bu cür hücumlar olacağı təqdirdə İsrailə narahatlıq və ya qınama bildirməyəcəyinə işarə edib.

Qeyd edək ki, Rusiya İranla “Fateh-110” və “Zülfüqar” ballistik raketlərinin tədarükü barədə razılığa gəlib. Böyük Britaniya Müdafiə Nazirliyinin məlumatına görə, Rusiya yaxın aylarda İrandan yüzlərlə ballistik raket ala bilər.

Həmçinin, Qeyd edilir ki, İran Ukraynaya qarşı müharibədə istifadə üçün Rusiyaya təhvil verməyi planlaşdırdığı raketlərin çeşidini məhdudlaşdırmaq istəyir. Lakin Tehran Moskvaya silah tədarükündən imtina etməyəcək.

Akqabay