Baxçalı xəbərdarlıq etdi: Dərhal hərəkətə keçin!

“Türkiyə üzrə ümumilikdə 6,7 milyon riskli bina aşkarlanıb. İnsan səhvlərini sıfırlamalıyıq. Əvvəlcə tədbir görməli, sonra inamla həyatımıza davam etməliyik. İstanbul üçün hazır olmalıyıq. İtirəcək vaxtımız yoxdur. Biz dərhal hərəkətə keçməliyik”.

Publika.az xəbər verir ki, bu sözləri Türkiyənin Milliyyətçi Hərəkat Partiyasının (MHP) başqanı Dövlət Baxçalı deyib.

“Bu fəlakətdən çıxardığımız dərslərlə daha təhlükəsiz, dinc və möhkəm gələcəyin əsasını qoymalıyıq. İnsan səhvlərini sıfırlamalıyıq. Əvvəlcə tədbir görməli, sonra inamla həyatımıza davam etməliyik. Şəhərlərimizi yenidən quracağıq və yeniləyəcəyik. Nəyin bahasına olursa olsun, Türkiyəni qoruyacağıq. Tarixdə qeydə alınan ən ağır təbii fəlakətlərdən birinə qarşı tarixə yazılacaq ən böyük həmrəylik və əməkdaşlıq əxlaqını nümayiş etdirən sevimli xalqımızla nə qədər fəxr etsək, azdır. Millətimiz unutmayan, qədir biləndir”, - Baxçalı qeyd edib.

Partiya sədri bildirib ki, hökumət effektiv və təsirli idarəçilikdə Kahramanmaraşda zəlzələnin yaralarını sağaldır:

“Dövlət hər şeyə nəzarət edir. Böhtanlar əbəsdir. Ağrımız böyükdür. Amma həyatda elə bir ağrı yoxdur ki, zaman onu yüngülləşdirib yumşaltmasın. Kim xaos dalınca qaçırsa, insanlıq müzakirəyə açıqdır. Zəlzələdən faydalanmaq istəyənlər əxlaqsızlığın nişanələridir. Hamıya məlum olmalıdır ki, biz onları bir-bir qeyd edirik. İnsani və fiziki şərait dağıntıları gücləndirdi. Türkiyəmizdə hər zaman fəlakət riskləri var. Ağlabatan siyasi, sivil və milli prinsipləri müdafiə edə bilməyənlər əsassız tənqidlərini söyləməzdən əvvəl güzgüyə baxmalıdırlar. Saxta xəbərlər, dedi-qodular yayan, informasiya çirklənməsinə ümid edən insanlıq şübhəli və müzakirəyə açıqdır”.

Akqabay