Region

Türkiyədə daha bir MÜƏMMA: 12 metrlik çuxur əmələ gəldi - FOTO

25 Fevral 2023 03:30

Türkiyənin Konya vilayətinin Karapınar kəndi yaxınlığındakı əkin sahəsində diametri 37 metr, dərinliyi 12 metr olan çuxur əmələ gəlib.

Publika.az xəbər verir ki, bu barədə "Anadolu" agentliyi yazır.

Obruk Araşdırmalar Mərkəzindən alim Fetulla Arık qeyd edib ki, bu hadisə ilə fevralın 6-da bölgədə baş vermiş dağıdıcı zəlzələ və ya 20-də daha az güclü təkanlar arasında əlaqə yaratmaq mümkün deyil.

Yerli sakin bildirib ki, həmin ərazidə belə çuxurların əmələ gəlməsi bir növ fövqəladə hadisə deyil.

Fevralın 6-da Türkiyədə 7,7 və 7,6 bal gücündə güclü zəlzələlər qeydə alınıb . Onlar 1939-cu ildən bəri ən güclü oldular və Ümumdünya Səhiyyə Təşkilatı bu zəlzələni Avropa regionunda əsrin ən güclü təbii fəlakəti kimi tanıdı. Türkiyədə kataklizm nəticəsində ölənlərin sayı 43 mini keçib .

Hüseyn İbadlı