Region

Səlcuq Bayraktar və qardaşının sərvəti açıqlandı

26 Fevral 2026 12:02

Türkiyənin müdafiə və aerokosmik şirkəti “Baykar”ın 46 yaşlı həmtəsisçisi və sədri Səlcuq Bayraktar, 2,7 milyard dollarlıq sərvəti ilə “Forbes”in milyarderlər siyahısında ən varlı 10 türk vətəndaşı arasındadır.

Publika.az xəbər verir ki, onun qardaşı, “Baykar”ın baş direktoru Haluk Bayraktar da siyahıdadır, lakin 2,4 milyard dollarlıq sərvəti ilə ilk 10-luqdan bir qədər aşağıdadır.

“Baykar” Türkiyənin aparıcı müdafiə ixracatçılarından birinə çevrilib. Şirkətin dronlarından Türkiyə ordusu və bir neçə beynəlxalq tərəfdaş istifadə edir. Səlcuq Bayraktar şirkətin 52,5%-nə sahibdir.

Şirkət 2025-ci ildə 2,5 milyard dollar gəlir əldə edib ki, bunun da 88%-i ixracdan gəlir. “Baykar” 2,2 milyard dollarlıq ixracla dünyanın ən böyük dron ixracatçısı mövqeyini qoruyub saxlayıb.

Tural