İstanbulda fəlakət: 1 nəfər öldü, 10 nəfər xilas edildi - Yeniləndi

İstanbulda iki binanın çökməsi nəticəsində bir nəfər həlak olub.

Publika.az xəbər verir ki, bu barədə İstanbul vilatətinin valiliyi məlumat yayıb.

"Axtarış-xilasetmə əməliyyatı nəticəsində dağıntılar altından 11 vətəndaşımız çıxarılıb. Bir nəfər dünyasını dəyişib, daha on nəfər isə xəsarət alıb ki, onlardan birinin vəziyyəti ağırdır", — deyə məlumatda bildirilib.

Hüseyn İbadlı

xxx

15:55

İstanbulun Fatih rayonunda bitişik iki binanın çökməsi nəticəsində 9 nəfər dağıntılar altında qalıb.

Publika.az Türkiyə mediasına istinadən xəbər verir ki, hadisədən sonra 7 nəfər xəstəxanaya yerləşdirilib.

Məlumata görə, dağıntılar altında qalanlardan daha bir nəfər xilas edilib. Hazırda digər bir nəfərin tapılması istiqamətində axtarış-xilasetmə işləri davam etdirilir.

13:55

Türkiyənin İstanbul şəhərinin Fatih rayonunda bina uçub.

Publika.az xəbər verir ki, çökən binanın dağıntıları altından bir nəfər çıxarılıb, hazırda xilasetmə qruplarının işi davam edir.

Məlumata görə, tikili hələlik məlum olmayan səbəbdən çöküb. Hadisə ilə əlaqədar əraziyə çoxlu sayda yanğınsöndürən, təcili tibbi yardım və polis briqadaları cəlb olunub.

Hazırda binada qalanların xilas edilməsi istiqamətində axtarış-xilasetmə əməliyyatları davam etdirilir.