Gürcüstan Aİ sammitindən imtina etdi: Tbilisinin etirazı
Bizi izləyin

Region

Gürcüstan Aİ sammitindən imtina etdi: Tbilisinin etirazı

Gürcüstan Aİ sammitindən imtina etdi: Tbilisinin etirazı

Gürcüstan hökuməti Avropa İttifaqının (Aİ) genişlənmə məsələlərinə həsr olunan sammitində iştirak etməyəcək. Buna səbəb Tbilisinin tədbirə lazımi səviyyədə dəvət almamasıdır.

Publika.az xəbər verir ki, bu barədə Gürcüstan Xarici İşlər Nazirliyi məlumat yayıb.

Bildirilib ki, noyabrın 16-da Brüsseldə keçiriləcək sammitə Gürcüstanı təmsil etmək üçün yalnız ölkənin Aİ-dəki səfiri dəvət olunub. Rəsmi Tbilisi isə bunu lazımi səviyyəli dəvət hesab etmədiyindən, görüşdə iştirak etməmək qərarına gəlib.

XİN qeyd edib ki, Gürcüstan Avropa İttifaqı ilə konstruktiv əməkdaşlığa sadiqdir və müvafiq səviyyədə dəvət alacağı təqdirdə belə görüşlərdə iştirak etməyə hazırdır.

Qeyd edək ki, “Geniş Avropa - güclü Avropa” şüarı altında keçiriləcək forumun təşkilatçısı Aİ-nin genişlənmə məsələləri üzrə komissarı Marta Kosdur.

Müəllif: Adəm

Oxumağa davam et
Reklam
Reklam

Gündəm