Sağlamlıq
Ballı nanə ilə sağlamlığının keşiyində dur!
Ballı nanə insan sağlamlığı üçün ən faydalı bitkilərdən biridir.
Publika.az ballı nanənin faydalı xüsusiyyətlərini təqdim edir:
Ballı nanə yuxu pozğunluğu, həzm problemləri, həmçinin alzaymer kimi bir çox narahatlığa qarşı təsirlidir.
Xalq təbabətində, əsasən, yaraların tez sağalması üçün istifadə edilir.
Yuxusuzluq
Ballı nanə çayı insanı sakitləşdirir, dinclik verir. Bu xüsusiyyəti sayəsində yuxusuzluqdan əziyyət çəkənlərə kömək edir.
Həzmi asanlaşdırır
Yediklərinizi yaxşı həzm edə bilmirsinizsə, ballı nanədən yararlana bilərsiniz. Ballı nanə həzm sisteminə yaxşı təsir etməklə yanaşı, qastritə qarşı da effektlidir. Ballı nanənin təsirini artırmaq üçün onu adi nanə ilə qarışdırıb istifadə edin.
Yaraları sağaldın
Miçiqan Universitetinin professorlarının apardıqları araşdırmalar göstərib ki, ballı nanə virusları yox edir. Bitkinin tərkibindəki turşular yaraların daha tez sağalmasına səbəb olur. Ağız içində olan yaralara qarşı da istifadə edilə bilər.
Alzaymerlə mübarizə
Tibbi araşdırmalar ballı nanənin alzaymer xəstəliyinə yaxalanmaq riskini azaltdığını sübut edib. Həmçinin mütəmadi olaraq ballı nanə çayı içən alzaymer xəstələrinin vəziyyətinin yaxşılaşdığı, xəstəliyin əlamətlərinin azaldığı müşahidə edilib.
Gözəllik
Ballı nanə dəri üçün də faydalıdır. Dərini təmizləyir, sızanaqları yox edir. Ballı nanə yağı dərini qurutduğu üçün quru dəri tipinə sahib olanlara tövsiyə edilmir.
Necə faydalanmalı?
Ballı nanənin şəfalı xüsusiyyətlərindən yararlana bilmək üçün onun çayını içə bilərsiniz. Bunun üçün 1 çay qaşığı qurudulmuş ballı nanəni stəkana töküb üzərinə qaynar su əlavə edib 10 dəqiqə gözləmək lazımdır. Ballı nanə çayını gündə 4 dəfə içə bilərsiniz.
Ballı nanəni mətbəxdə də istifadə edə bilərsiniz. Dünyanın ən məşhur aşpazları yeməklərə xüsusi tam vermək üçün bu bitkidən istifadə edirlər. Siz də ballı nanəni balıq yeməklərinə, salatlara, meyvə salatlarına və toyuq xörəklərinə əlavə edə bilərsiniz.
Qeyd edək ki, zoba qarşı dərmanlardan istifadə edənlərin ballı nanədən yararlanmaları təhlükəli ola bilər. Bu bitkidən istifadə etmədən öncə hər ehtimala qarşı həkiminizlə məsləhətləşin.
Ləman Sultan
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!