“Bioloji yük” və onun yeni infeksiyaların yaranmasında rolu nədir? - VİRUSOLOQ aydınlıq gətirdi

“Sinqapur alimlərinin COVID-19-a bənzər yeni koronavirus növünün növbəti on il ərzində görünə biləcəyi ilə bağlı verdiyi açıqlaması fərziyyədən başqa bir şey deyil”.

Publika.az xəbər verir ki, bu fikri rusiyalı virusoloq Viktor Zuev deyib. Mütəxəssisin fikrincə, onilliklər ərzində mövcud koronavirusun mutasiyasını proqnozlaşdırmaq çox çətindir, gələcəkdə onun hansı növlərinin yaranacağını isə təxmin etmək mümkün deyil.

“Fərziyyələri müzakirə etmək əbəsdir: ola bilər və ya olmaya da bilər. Sivilizasiyanın nəticələrini ödəməliyik. Həyat keyfiyyətinin sürətlə yaxşılaşdığı şəraitdə yaşayırıq, getdikcə daha çox uzağa və tez-tez getməyə başlayırıq. Bu da o deməkdir ki, bizim üçün qeyri-adi mühitə daxil olmaqla bərabər mikrobioloji yükümüzü də oraya daşıyırıq. Bizdə gizli infeksiya formaları var, çünki indi koronavirus üzərində bir çox test mövcudluğunu göstərir, lakin simptomlar yoxdur. Bu daşıyıcılar da virus izolyatoru ola bilər. Koronavirus həqiqətən daha da mutasiya edəcək. Çünki “insanlar səyahət və bioloji yüklərini mübadilə etməyə davam edirlər”, - ekspert qeyd edib.

Ancaq virusoloq hesab edir ki, bunun nəyə çevriləcəyini qəti olaraq demək mümkün deyil. Elm adamları bunun qrip virusu ilə eyni mövsümi fenomen olacağına inanmağa meyillidirlər.

“Koronavirusu HİV ilə müqayisə edə bilməzsiniz. HİV-də ölüm 100%, koronavirusda isə yalnız 1% təşkil edir, bu gülünc bir müqayisədir. Bu, pnevmotrop virusdur, qrip virusu ilə eyni mərtəbədə duracaq”, - sonda Zuev vurğulayıb.

Aytən Məftun