Sağlamlıq

Kollektiv immunitet məhdudiyyətləri aradan qaldıracaq?

11 Fevral 2021 16:00

Peyvənd olunanların sayı durmadan artır, beləliklə kütləvi immunitet formalaşır. Bununla birlikdə, hələ koronavirusa yoluxmayan və peyvənd olunmaq istəməyənlər kütləvi immunitetin onları xilas edəcəyinə ümid etməməlidirlər.

Publika.az Rusiya mətbuatına istinadən xəbər verir ki, bu sözləri allerqoloq-immunoloq Vladimir Bolibok deyib.

“Koronavirusa qarşı immuniteti olmayan və xəstə ilə təmasda olan bir insanın xəstələnmə riski yüksəkdir. İlkin vəziyyətindən asılı olaraq xəstəliyi ya yüngül formada, ya da ağır keçirə bilər. Kollektiv immunitetin inkişafına qədər gözləmək epidemiya əleyhinə tədbirlərin planlaşdırılması, məhdudiyyətləri saxlamaq və ya aradan qaldırmaq üçün vacibdir”, - mütəxəssis “Sputnik” radiosuna verdiyi müsahibədə qeyd edib.

Aytən Məftun