Sağlamlıq

2 fərqli peyvəndin istifadəsi effekt verir?

4 İyul 2021 11:59

Ümumdünya Səhiyyə Təşkilatı (ÜST) koronavirus əleyhinə bir vaksinin iki dozasının vurulmasını tövsiyə edir.

Publika.az xarici mətbuata istinadən xəbər verir ki, ÜST-nin İmmunitetləşdirmə Departamentinin rəhbəri Keyt O'Brayenin sözlərinə görə, bunun səbəbi 2 fərqli peyvəndin istifadəsinin nəticələrinin hələ araşdırılmamasıdır.

Mütəxəssis son günlərdə Almaniya istehsalı “Pfizer/BioNTech” və ABŞ istehsalı olan “AstraZeneca” vaksinlərinin birləşdirilməsinin faydalı olması barəsində yayılan söz-söhbətlərə aydınlıq gətirib. O qeyd edib ki, sözügedən peyvəndlərin qarışdırılmasının təhlükəsizliyi sübuta yetirilməyib:

“Peyvəndlərin qarışdırılması nəticəsində qazanılan immunitetin bu vəziyyətdə davam edib-etməyəcəyi və istifadəsinin təhlükəsiz olub-olmaması barədə məlumatımız yoxdur”.

Keyt O'Brayen araşdırmaların davam etdiyini və yaxın aylarda yeni məlumatların ortaya çıxacağını vurğulayıb.

Aytən Məftun