Meymunçiçəyinin azyaşlılara təsiri - Ekspertdən AÇIQLAMA

Çox vaxt meymunçiçəyi infeksiyası 16 yaşdan aşağı uşaqlara, immuniteti zəif olan xəstələrə və ya ağır həyat tərzi keçirən insanlara pis təsir göstərir.

Publika.az TASS-a istinadən xəbər verir ki, bu barədə infeksionist Yevgeni Timakov danışıb. Mütəxəssisin sözlərinə görə, infeksiya yaşlı əhalinin əksəriyyəti üçün təhlükəli deyil, çünki 1980-ci ilə qədər bir çoxları çiçək xəstəliyinə qarşı peyvənd olunub.

“Daha çox on altı yaşına çatmamış uşaqlar əziyyət çəkə bilər. Onların çox zəifləmiş selikli qişa immuniteti var və virusun nüfuz etməsi daha asan olur” , - həkim bildirib.

Ekspert onu da qeyd edib ki, meymunçiçəyinin kütləvi yayılması mümkün deyil, virusa yoluxmaq üçün infeksiyanın daşıyıcısı olan şəxsin yanında uzun müddət yaxın təmasda olmaq lazımdır.

Xatırladaq ki, İyulun 12-də Rospotrebnadzor Rusiyada meymunçiçəyi xəstəliyinə ilk yoluxma faktını açıqlayıb. Sankt-Peterburqda yoluxma Portuqaliyadan gələn bir rusda aşkarlanıb. O, meymunçiçəyinə xas səpgi ilə həkimə müraciət edib.

Aytən Məftun