Sağlamlıq

Bu dərmanları qəbul etməyin! - Həkimdən SOS

11 Sentyabr 2022 18:08

Həkim Aleksandr Myasnikov “Rossiya 1” telekanalındakı "Ən vacibləri haqqında" (О самом главном) verilişinin efirində immuniteti gücləndirməyin yollarından danışıb.

Publika.az xəbər verir ki, həkimin sözlərinə görə, fiziki fəaliyyət və sağlam qidalanma dəyişməz şərtlərdir.

“Siz normal çəkidə, yaxşı əhval-ruhiyyədə olmalı, siqaret çəkməməlisiniz, çünki bu, infeksiyaların orqanizmə daxil olmasını xeyli asanlaşdırır. Gündəlik məşq etməlisiniz. İmmuniteti məşq və sağlam qidalanma kimi heç bir şey gücləndirmir”, - həkim bildirib.

Myasnikovun sözlərinə görə, sintetik vitaminlər qəbul edərək immuniteti gücləndirməməlisiniz. Onun fikrincə, bütün faydalı elementlər qidadan alına bilər və alınmalıdır. Eyni şey müxtəlif bitki dəmləmələrindən nəzarətsiz istifadəyə də aiddir. Mütəxəssis vurğulayıb ki, xəstəliyin profilaktikasının belə bir üsulu qaraciyərin zəhərli zədələnməsinə səbəb ola bilər.