Sağlamlıq

Məşhur həkim üzməyin bədənə inanılmaz təsirini açdı

11 Dekabr 2022 14:40

Üzgüçülük arıqlamaq üçün deyil. Onun məqsədi başqadır. Üzgüçülük idmandır. Və sağlamlığa ən xeyirli, ən zərərsiz idman. Üzgüçülüklə peşəkar səviyyədə məşğul olanlar arıqlamaq və bədən quruluşu haqqında düşünmür. Onların hədəfi müəyyən məsafəni daha tez müddətə qət etməkdir. Məsələn, bu gün dayanmadan 2 km üzmüsüzsə, sabah daha uzun məsafəni qarşınıza hədəf qoyursuz. Ya 100 metr məsafəni sabah daha qısa müddətə qət etməyə çalışırsız.

Publika.az xəbər verir ki, bu sözləri anestezioloq-reanimatiloq Şahin Məmmədov deyib. Həkim bildirib ki, üzmək ürək damar, tənəffüs sistemini inkişaf etdirir, bütün orqanizmin dözümlülüyünü artırır.

"Əlbəttə ki, dieta saxlasanız, artıq çəkiləriniz gedə bilər, amma məqsəd başqadır, hədəf başqadır".