Sağlamlıq

Qripi bu il ağır keçirməyimizin səbəbləri

18 Dekabr 2022 15:10

Bu il qrip infeksiyasını xəstələr daha ağır keçirir, səbəbi odur ki, karantin şəraitində əhali qripə yoluxmurdu. Kütləvi immunitet zəiflədiyindən infeksiya ilə mübarizə aparmaq daha da çətinləşib, xəstəlik ağır formada davam edə bilər.

Publika.az xəbər verir ki, bu sözləri virusoloq, biologiya elmləri doktoru Pyotr Çumakov “Komsomolskaya Pravda” radiosuna müsahibəsində bildirib.

"Kovid pandemiyasında qrip epidemiyası baş vermədi, çünki məsafəmizi saxladıq və maskalar taxdıq, karantin qaydaları da çox sərt idi. Qripin genişmiqyaslı hücuma keçmək və yoluxdurmaq imkanı yox idi. Nəticədə kollektiv immunitet çox zəifləyib. Bundan başqa donuz qripi virusunun ştammı digərlərindən daha ağır keçir", - həkim qeyd edib.

Aytən Məftun