Donuz qripinin dəhşətli nəticələri üzə çıxdı

Simptomlar baxımından donuz qripi digər variantlardan demək olar ki, fərqlənmir, əsas fərq xəstəliyin gedişi və ağırlaşmaların şiddətində nəzərə çarpır.

Publika.az xəbər verir ki, bu sözləri tibb elmləri doktoru, immunoloq, virusoloq Vladislav Jemçuqovun Rusiya mətbuatına verdiyi müsahibəsində deyib. Həkim bildirib ki, ən ağır xəstələr azyaşlı uşaqlardır.

"Koronavirus uşaqlar arasında geniş yayılmasa da, qripdə vəziyyət fərqlidir. Əskinə ən çox xəstələnən və ən ağır fəsadlar uşaqlar arasında rast gəlinir. Uşağın yaşı nə qədər azdırsa, vəziyyəti bir o qədər ağırlaşır. Otoimmün xəstəliklərdən müalicə alan insanlar da həssas qrupa daxildir. Ürək-damar xəstəlikləri də qripi ağır keçirir", - həkim müsahibəsində izah edib.

Virusoloqun sözlərinə görə, qrip ilk növbədə damarları zədələyir - əvvəlcə kiçik damarlar, xəstəliyin ən ağır gedişində isə beyin, sinir, ürək-damar sistemləri, bronxlar təsirlənir. Virusun aktivliyi yüksək hərarətlə əlaqələndirilir. Odur ki, ən ciddi fəsadların və temperaturun artmasının qarşısını almaq üçün dərhal qeyri-spesifik antiinflamatuar terapiyaya başlamaq lazımdır. Həkim onu ​​da xatırladıb ki, bəşəriyyət artıq bu tip qriplə qarşılaşıb, ilk dəfə 1918-1920-ci illərdə, sonra 2009-cu ildə.

"Donuz qripinə gəlincə, donuzların onunla çox dolayı əlaqəsi var. Əslində bu, 1918-1920-ci illərdə yer üzündə milyonlarla insanın ölümünə səbəb olan ispan qripidir. İkinci dəfə xəstəlik 2009-cu ildə qeydə alınıb, indi bu virusla üçüncü "tanışlıq" davam edir", - immunoloq yekunda qeyd edib.

Aytən Məftun