İçkili kişilər çox vaxt cinsi əlaqə zamanı ... - Uroloqdan bəd açıqlama

Cəmiyyətdə spirtin ereksiyaya "möcüzəvi" təsiri haqqında fkirlər dolaşmasına baxmayaraq, əslində alkoqol erektil funksiyaya əhəmiyyətli zərər verir.

Publika.az xəbər verir ki, bu sözləri "Gazeta.Ru"ya müsahibəsində Rusiyada yaşayan uroloq-androloq Hüseyn Sadıxov deyib.

"Əlbəttə, ilk dəqiqələrdə libido ümumi eyforiyaya görə arta bilər, lakin cinsi əlaqə çox vaxt qeyri-sabit olur. Böyük miqdarda pivə isə hormonal disbalansa gətirib çıxarır. Bu, onun tərkibində estrogenə bənzər quruluşda olan fitohormonlar səbəbindən baş verir. Nəticədə testosteron və estrogen balansı pozulur ki, bu da öz növbəsində piylənmə, hiperkolesterolemiya, hipoqonadizm və insulin müqavimətinin inkişafına təsir göstərir.

Erektil funksiya ilə bağlı problemlərdə qaraciyər xüsusi rol oynayır. Həddən artıq spirtli içki içən insanlarda qaraciyərin səmərəliliyi azalır, bu da ümumi hormonal və metabolik pozğunluqla nəticələnir. Damar patologiyaları da inkişaf edir və bu, ereksiya ilə birbaşa bağlıdır", - Sadıxov qeyd edib.