Dərmansız 150 il yaşamaq mümkündürmü?

Apteklərin rəflərində asanlıqla hər hansı bir homeopatik vasitə tapa bilərsiniz - burun tıxanması, boğaz ağrısı və mədə üçün. Bəs bu cür vasitələrə etibar etməyə dəyərmi?

Publika.az xəbər verir ki, Yelena Solomatina və psixoloq Svetlana Kolosova "Вечерняя Москва"ya verdikləri müsahibədə bu barədə danışıblar.

Solomatina hesab edir ki, ənənəvi müalicədən şüurlu şəkildə imtina edildikdə homeopatiyaya müraciət edilir. Amma zərərli məsləhətlər ilə xəstələri aldadan şarlatan həkimlər də az deyil.

Onun fikrincə, homeopatiya ənənəvi tibblə birlikdə istifadə edilərsə, o zaman zərər verməyəcək.

Psixoloq Kolosova öz növbəsində bəzi qeyri-ənənəvi dərmanların həddindən artıq dozasının böyrəklərə və ya digər orqanlara zərər verə biləcəyi barədə xəbərdarlıq edib.

Psixoloq bildirib ki, həkim tövsiyəsi olmadan homeopatik dərman preparatlarında istifadə nəticəsində sağlamlığına ciddi zərər verən kifayət qədər xəstə ilə qarşılaşıb. O, bədəndəki turşulaşmadan xilas olmaq və qələvi balansı yaxşılaşdırmaq üçün soda və ya sirkə içmək məsləhətini təhlükəli hesab edib.

"Əgər bu cür vasitələrdən istifadə effektiv olsaydı, o zaman biz belə müalicə və profilaktika üsullarına güvənərdik və heç kəsin səhhətində problem yaranmazdı. Ona görə də "tibb bizdən nəyisə gizlədir, qeyri-ənənəvi üsullar isə ömrü 150 yaşa qədər uzadır​​" kimi bütün reklam şüarları çox təhlükəlidir və onlara etibar etməyə dəyməz. Bu, çox vaxt müxtəlif faciəvi nəticələrə gətirib çıxarır", - ekspert izah edib.

Homeopatiya nədir?

Homeopatiya qədim müalicə növüdür. Tibbi istiqamət kimi 18-19-cu əsrlərdə formalaşmağa başlayıb. Onun əsasını alman həkimi Honemanın qoyduğu hesab edilir. Belə ki, o, apardığı müşahidələr və təcrübələr nəticəsində aşkar edib ki, eyni maddələr yüksək dozada xəstəlik, hətta ölüm törədə bilirsə, kiçik dozalarda isə əksinə, həmin maddələr orqanizmi sağaltmaq qabiliyyətinə malikdirlər. Bəziləri homeopatiyanı dərman bitkiləri ilə müalicənin bir növü hesab edirlər. Əslində isə homeopatik preparatları istənilən təbii mineral, bitki və heyvani mənşəli xammaldan-mineral, turşu, üzvi maddələr və həmçinin bitkilərdən hazırlayırlar.