Səhiyyə

Nikaha girmək istəyərkən xəstə olduğunu öyrənənlərin sayı açıqlandı

6 Fevral 2018 11:40

Ötən ay ərzində 9396 nəfər nikahdan əvvəl tibbi müayinədən keçib. Müayinədən keçən cütlüklərdə bir sıra xəstəliklər aşkarlanıb.

Bu sözləri Publika.az-a B. Eyvazov adına Elmi-Tədqiqat Hematologiya və Transfuziologiya İnstitutundan məlumat verilib.

Məlumata görə, yanvar ayı ərzində müayinəyə cəlb olunanların 290-da talassemiya daşıyıcılığı, 16-da siflis, 11-də QİÇS aşkarlanıb.

Nikahdan əvvəl icbari tibbi müayinələrin başlanıldığı 2015-ci ilin iyun ayından bu günə kimi 373 680 nəfər qeyd olunan xəstəliklərlə bağlı müayinə edilib. Onların 14 364-də talassemiya daşıyıcılığı aşkarlanıb. 293 nəfərdə QİÇS, 1349 nəfərdə siflis müəyyən edilib.

Bu müddət ərzində nikaha girmək istəyən 134 cütlüyün hər ikisində talassemiya daşıyıcılığı aşkarlanıb.

Gülxar