Səhiyyə
Vaksin olunduqda bu risk aşağı düşür - Həkim
“Ölkəmizdə vaksinasiya prosesinin aparılmasını müsbət qiymətləndirirəm. Xəstəxanamıza da peyvəndlənmə ilə bağlı axın var. İnsanlar bizimlə təmasda olurlar, bir çoxu ilə əlaqələrimiz var. Hamımız da bilirik ki, bu gün bu bəla ilə ən effektiv mübarizə yolu məhz vaksin olunmaqdır”.
Bunu Publika.az-a açıqlamasında 26 saylı Birləşmiş Şəhər Xəstəxanasının həkimi Cəmilə Həmidova deyib.
Həkim özünün də peyvənd olunduğunu, heç bir əks təsir görmədiyini bildirib: “Birinci doza vurulub, ikinci doza isə fevralın 23-də vurulacaq. Əslində, gözləyirdim ki, vaksin mənə bir qədər təsir edə bilər. Ancaq heç bir əks effekti olmadı. Hazırda xəstəxanamızda vaksinasiya prosesi davam edir. Həkimlərin vaksinasiyaya ilk cəlb olunması insanlarda etibar yaradıb. Əksər şəxslər deyirlər ki, həkimlər də peyvənd olunubsa, biz də ola bilərik. Bu baxımdan güvən var”.
C.Həmidova vaksinasiya ilə bağlı maarifləndirmə işinin də aparıldığını qeyd edib: “Mən COVID-19-a yoluxmuşam, xəstəliyi ağır keçirdim, hətta xəstəxanada ölüm-dirim savaşı verirdim. Bədənimdə 10,5 faiz antitel olmasına baxmayaraq, vaksin olundum. Bəzi adamlar yoluxduğuma baxmayaraq nə üçün peyvənd olunduğumu soruşurdular. Hər kəsə başa salırdım ki, antitelin qalması müəyyən müddətlikdir. Çünki sonra yenə yoluxma riskimiz var. Vaksin olunduqda isə bu risk xeyli aşağı düşür”.
Həkim vaksin olunmaq üçün könüllü müraciət edənlərin də olduğunu əlavə edib: “Bizdən soruşurlar ki, növbədənkənar necə peyvənd oluna bilərik. Maraq böyükdür. Ancaq hələ də tərəddüd edənlər var. O qədər anti-təbliğat aparırlar ki, insanlarda şübhə yaranır. Lakin sonda başa düşürlər ki, vaksin vacibdir. Xəstəxanamızın baş həkimi, şöbə müdirləri də vaksin olunub və bu, hər kəsdə əminlik yaradır”.
Akqabay Mıradov
-
İdman01:08
"Real" ÇL-nin finalında! - VİDEO/YENİLƏNDİ
-
Region00:45
Putinlə Paşinyanın görüşü başa çatdı - YENİLƏNDİ
-
Qoroskop00:35
Günün qoroskopu: nüfuzlu insandan dəstək ala bilərsiniz
-
Hadisə8 May 23:34
Xırdalanda küçə itləri qadını dişlədi - ANBAAN VİDEO
-
Hadisə8 May 21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO
-
Qoroskop8 May 20:55
Yeni ay bu 3 bürcü sevindirəcək – Şans onlardan yanadır
-
Magazin18 May 19:40
“Mənə Avroviziyadan yazana söyüş qoymuşam” - Aparıcı
-
Kriminal8 May 18:30
Tanınmış modeli döyməkdə təqsirləndirilən biznesmendən xəbər var - Külli miqdarda pul mənimsəyib?