Sosial
İrandan gələn daha bir məhsulda zərərli orqanizm aşkarlandı
İrandan idxal olunan 10.4 ton kivi məhsulunda zərərli orqanizmlər aşkar olunub.
Qida Təhlükəsizliyi Agentliyindən Publika.az-a verilən məlumata görə, ran İslam Respublikasından 5 noyabr 2018-ci il tarixli fitosanitar sertifikatla ölkəmizə, “Güllü-80” MMC-nin ünvanına göndərilməsi nəzərdə tutulan 10,4 ton kivi məhsuluna Qida Təhlükəsizliyi Agentliyinin mütəxəssisləri tərəfindən fitosanitar karantin baxışı keçirilərkən, həmin məhsulun zərərli orqanizmlərlə sirayətlənməsi ehtimal olunub.
Məhsuldan nümunələr götürülərək Azərbaycan Qida Təhlükəsizliyi İnstitunun müvafiq laboratoriyasına göndərilib. Qeyd olunan məhsuldan götürülmüş nümunələrdə karantin tətbiq edilən zərərli orqanizmlərdən Tut qalxanlı yastıcası- (Pseudolaspis pentagona) aşkar edilib.
Bildirilir ki, “Fitosanitar nəzarəti haqqında” Azərbaycan Respublikasının Qanununun 13-cü maddəsinə uyğun olaraq idxal olunan bitki və bitkiçilik məhsullarının zərərli orqanizmlərlə sirayətlənməsi riski mövcud olduğu halda, onların ölkə ərazisinə idxal olunmasının və yayılmasının qarşısının alınması məqsədilə müvafiq fitosanitar tədbirlər həyata keçirilir.
Qeyd edək ki, tut qalxanlı yastıcası kivi ilə yanaşı bir sıra dekorativ və meyvə bitkilərinə, o cümlədən tut, şaftalı, ərik, gilas, qoz, badam, alma, armud və digər ağaclara ziyan vura bilir. Zərərverici əkin və calaq materialları, meyvələr, yarpaqlar, qablaşdırılmış materiallar, nəqliyyat vasitələri, bir yerdən başqa yerə daşınan odun, çör-çöp ilə, heyvanlarla, küləklə, suvarma kanalları və digər vasitələrlə yayıla bilir.
-
Cənubi Qafqaz11:11
Koçaryanın deputatı erməniləri söydü: aksiyaya qoşulmayanlar təhqir olunur - VİDEO
-
Qoroskop11:01
Bu araşdırma onları məyus edəcək: Bürclərə inananların hamısı...
-
Region10:16
Putin Şoyqunu bu hadisəyə görə uzaqlaşdırıb - Sensasion İDDİA
-
Region09:48
İrəvanda xüsusi təyinatlılar hərəkətə keçdi: Etirazçıları belə saxlayırlar - VİDEO
-
Nida Xəbər 09:12
Fransadan gözlənilməz addım: Azərbaycanla Ermənistan arasında...
-
Sosial08:48
Məktəbli qız müəmmalı şəkildə ÖLDÜ: "Adı bilinməyən iynələr vurdular" - VİDEO
-
Nəqliyyat08:24
Bu avtomobillərin sürücüləri cərimələnəcəklər - VİDEO
-
Qarabağ 06:16
Xocalıya köç başlayır: evlər bu tarixdə təhvil veriləcək - VİDEO