"McDonald's"dan ORDUYA HÖRMƏTSİZLİK - Dəstək paylaşımlarını sildi/FOTO-VİDEO - (YENİLƏNDİ)

Video əlavə olunub.

xxx

"McDonald's"ın Azərbaycan nümayəndəliyi Azərbaycan Ordusunun düşmənə qarşı əks hücumlara başlamasından sonra sosial media hesablarında Ordumuza dəstək məqsədi ilə yaydığı postları və paylaşımları silib.

Azərbaycanda tanınmış və xeyli sayda müştərisi olan "McDonald's"ın bu addımı narazılıqla qarşılanıb. Eyni addımı "Burgerking" şirkəti də atıb. Sosial şəbəkələrdə hər iki şirkətin boykot edilməsi ilə bağlı paylaşımlar böyük sürətlə yayılır.

Qeyd edək ki, adı çəkilən şirkətlər həmin paylaşımları ermənilərin kütləvi narazılığından sonra siliblər.

"McDonald's"ın bu məsələ ilə bağlı verdiyi açıqlama da narazılığı aradan qaldırmaq üçün kifayət etməyib.

Şirkət paylaşımları silməsini "əsas amalımız insanları qida ilə təmin etməkdir" kimi absurd fikirlə izah etməyə çalışıb.

xxx

28.10.2020

Dünyaca məşhur fastfud restoranlar şəbəkəsi “McDonald's” Azərbaycan Silahlı Qüvvələrinin Dağlıq Qarabağdakı əməliyyatlarına dəstək nümayiş etdirib.

Publika.az xəbər verir ki, restoranın Azərbaycandakı operatoru Ariz Kader “Bayrağımız Azərbaycanın bütün torpaqları üzərində dalğalansın!” ifadələrini yazıb.

Azərbaycan bayrağının əks olunduğu Qarabağdan çəkilmiş fotonun paylaşıldığı postda “Qarabağ Azərbaycandır!” yazısı diqqət çəkib.