Prezidentimiz yüzlərlə ailəyə böyük sevinc hissləri yaşatdı - Aynur Sofiyeva

“Növbəti Əfv sərəncamı dövlət başçısının öz fəaliyyətində humanizm və mərhəmət prinsiplərinə əsaslandığını bir daha göstərdi”.

Bunu Publika.az-a açıqlamasında Azərbaycan Respublikasının Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyeva deyib.

Ölkə başçısının martın 18-də imzaladığı əfv sərəncamına münasibət bildirərkən Aynur Sofiyeva belə bir humanizm addımına görə ölkə başçısına təşəkkür edib:

“Prezidentimiz çox sağ olsun ki, 600-dən çox ailəyə böyük sevinc hissləri yaşatdı. Novruz bayramı öncəsi yüzlərlə məhbus ailəsi ikiqat sevinc hissləri yaşamaqdadır. Ümid edirəm ki, əfv olunmuş şəxslər onlara verilmiş bu şansı dəyərləndirəcəklər. Həm öz ailələrinə, ətraflarınə, həm də dövlətimizin inkişafına öz töhfələrini verəcəklər”.

Qeyd edək ki, Prezidentin imzaladığı sərəncam ümumilikdə 625 məhkuma şamil edilib, onlardan 475 şəxs azadlıqdan məhrumetmə cəzasından azad olunub. 98-nin azadlıqdan məhrumetmə cəzasının çəkilməmiş hissəsi yarıyadək azaldılıb. Ömürlük azadlıqdan məhrumetmə növündə cəza çəkən 3 nəfərin cəzası 25 ilə endirilib. 49 nəfər isə azadlıqdan məhrumetmə ilə bağlı olmayan müxtəlif cəzalardan azad olunub.

Tural Turan