Sosial

Nazir meşə yanğınlarının səbəbindən danışdı

2 Sentyabr 2022 11:33

Ölkədə son dövrlər baş verən meşə yanğınları ilk növbədə qlobal istiləşmənin təsirindən qaynaqlanır.

Publika.az xəbər verir ki, bunu Fövqəladə Hallar Nazirliyində keçirilən meşələrdə yanğın təhlükəsizliyi ilə bağlı məsələlərin müzakirəsinə həsr olunan müşavirədə çıxışı zamanı nazir general-polkovnik Kəmaləddin Heydərov deyib.

Nazir vurğulaylb ki, qlobal istiləşmənin təsirindən əlavə, yanğınların baş verməsinin əsas səbəbi insan faktoru olaraq qalır:

"Bəzi insanların sadə yanğın təhlükəsizliyi qaydalarına etinasız münasibəti və məsuliyyətsiz davranışı milli sərvətimiz olan meşələrdə yanğınların baş verməsinə, onilliklər ərzində formalaşmış meşə fondumuza, flora və faunaya ziyan vurulmasına gətirib çıxarır. Odur ki, meşə yanğınlarının qarşısının vaxtında alınması üçün bütün aidiyyəti qurumların əlaqəli şəkildə fəaliyyət göstərməsi mühüm əhəmiyyət kəsb edir".