Zəfər Günü Sumqayıtda konsert və atəşfəşanlıq olacaq
Bizi izləyin

Sosial

Zəfər Günü Sumqayıtda konsert və atəşfəşanlıq olacaq

Zəfər Günü Sumqayıtda konsert və atəşfəşanlıq olacaq

Noyabrın 8-də Zəfər Günü münasibəti ilə Sumqayıt şəhərində möhtəşəm konsert və atəşfəşanlıq olacaq.

Publika.az xəbər verir ki, bu barədə Sumqayıt Şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Eyvaz Qocayev məlumat verib.

O bildirib ki, Azərbaycanın tarixi zəfərinin ikinci ildönümü münasibəti ilə keçiriləcək konsert proqramı Sumqayıt şəhər İcra Hakimiyyətinin qarşısındakı meydanda təşkil ediləcək.

Konsert proqramında Azərbaycanın tanınmış müğənniləri Faiq Ağayev, Mir Yusif, Aygün Kazımova, Mübariz Tağıyev, İlhamə Qasımova, Məleykə Əsədova, Təyyar Bayramov, Aytən Məhərrəmova, Amil Həsənoğlu, Sədəf Budaqova, İlkin Əhmədov və "Natiq" Ritm Qrupu iştirak edəcəklər.

Konsert proqramının aparıcıları tanınmış simalar - Saleh Bağırov və Lalə Azərtaş olacaq.

Konsert proqramı noyabrın 8-də saat 18.30-da başlayacaq və saat 21.00-da möhtəşəm atəşfəşanlıq olacaq.

Teqlər
Oxumağa davam et
Reklam
Reklam

Gündəm

Zəfaran Hospital
Səba