Sosial

Uşaq pornosu yayan azərbaycanlı saxlanıldı - ƏMƏLİYYAT VİDEOSU

15 Noyabr 2024 11:25

Sankt-Peterburqda polis internetdə azyaşlıların iştirak etdiyi pornoqrafik materialları yaymaqda şübhəli bilinən şəxsi saxlayıb.

Publika.az bu barədə "78.ru"ya istinadən xəbər verir.

Bildirilir ki, ötən gün Butlerov küçəsindəki 30 saylı evdə 36 yaşlı işsiz Azərbaycan vətəndaşı saxlanılıb. Müəyyən edilib ki, o, təxəllüsü ilə bir sosial şəbəkədə istifadəçilərin şəxsi mesajlarına uşaqların əks olunduğu qeyri-etik videoları göndərib.

Məlumatı Rusiya Federasiyası Daxili İşlər Nazirliyinin Sankt-Peterburq və Leninqrad vilayəti üzrə Baş İdarəsinin mətbuat xidməti də təsdiqləyib.

Miqrantın yaşadığı ünvanda aparılan axtarış zamanı azyaşlıların iştirak etdiyi pornoqrafik məzmunlu videoyazıların saxlandığı sim kart və mobil telefon götürülüb. Faktla bağlı cinayət işi açılıb.

Kişi təcridxanaya yerləşdirilib. Hazırda onun digər mümkün cinayətlərdə iştirakı müəyyən edilir.

Adəm Abbaslı