Sürücüləri yeni cərimələr gözləyir - Qəhvə içən və siqaret çəkənlər də cəzalandırılacaq

Bu il sürücülərə yeni cərimələr tətbiq olunacaq. Belə ki, avtomobil idarə edərkən yad əşyalardan istifadə qadağan olunacaq.

Publika.az “Regnum” informasiya agentliyinə istinadən xəbər verir ki, bu barədə AID Professional Hüquq Qrupunun baş direktoru vəkil Devid Adams açıqlama verib.

Onun sözlərinə görə, Rusiya yollarında təhlükəsizliyin təmini məqsədiylə yol hərəkəti qaydalarının 2.7-ci bəndinə yeni dəyişikliklərin qəbulu nəzərdə tutulur:

“Bu dəyişikliklər qızğın müzakirələrə səbəb olur, çünki artıq kameralar sürücülərin əlində olan hər hansı əşyanı qeydə alacaq və təkcə telefondan istifadəyə deyil, həm də hər şeyə - bir fincan qəhvədən tutmuş, dondurmaya və siqaretə qədər cərimələr tətbiq oluna bilər”.

Vəkil onu da əlavə edib ki, yemək, içki, telefon və digər vasitələr sürücülərin diqqətini yayındırdığını göstərir və bu da qəzalara səbəb olur:

“Dəyişikliklər sükan arxasında olan şəxsin reaksiyasına və diqqətinə təsir edə biləcək hər hansı hərəkətləri aradan qaldırmaq üçün nəzərdə tutulub”.

Vahid