Sosial

Tanınmış memarı restorana buraxmadılar, etiraz etdi

13 Yanvar 2026 15:03

“Boranı” restoranından şikayət var.

Publika.az xəbər verir ki, tanınmış memar Elçin Əliyev sözügedən restoranda qəribə hadisə ilə qarşılaşıb. O, bildirib ki, “Boranı” restoranında özbaşınalıq hökm sürür:

"Boranı" restoranında nahar etmək istəyirdim, lakin tək olduğum üçün məni ümumi zala buraxmadılar. Əməkdaş dedi ki, ora yalnız ailələr daxil ola bilər, mənə isə “kişilər üçün” nəzərdə tutulmuş başqa zala keçməyi təklif etdilər. Nəticədə ümumiyyətlə dönüb getdim. Tamamilə ağıllarını itiriblər — rüşvətxorluğa görə dövlət nəzarətinin olmadığı şəraitdə açıq-aşkar özbaşınalıqdır, kim nə istəyir, edir.

Bütün ölkə şərqli turistlərə yönəlib; az qalıb ki, vaxtilə sivil və savadlı Avropa ölkəsi olmuş bir məkandan özümüz də Əfqanıstana və ya Banqladeşə çevrilək: eyni qanunsuzluq, baş alan mədəniyyətsizlik, eyni qəlyandan başını itirmiş sifətlər və örtülü başlar...”(“Yeni Sabah”)