Veysəloğlu Şirkətlər Qrupuna daxil olan "Ulduz" Şokolad Fabriki KOSHER sertifikatı əldə edib

Veysəloğlu Şirkətlər Qrupuna daxil olan "Ulduz" Şokolad Fabriki növbəti mühüm beynəlxalq uğura imza atıb. Belə ki, müəssisə KOSHER sertifikatı əldə edib. Bu sertifikat "Ulduz" Şokolad Fabrikində istehsal olunan məhsulların beynəlxalq KOSHER tələblərinə tam uyğunluğunu təsdiqləməklə yanaşı, şirkətdə formalaşmış yüksək keyfiyyət və qida təhlükəsizliyi standartlarının bariz göstəricisidir.

KOSHER sertifikatının əldə olunması olduqca çətin və çoxmərhələli bir prosesdir. Xammalın seçimi, təchizatçıların təsdiqi, istehsal xətlərinin uyğunlaşdırılması, avadanlıqların xüsusi prosedurlarla hazırlanması və bütün sanitariya qaydalarına ciddi nəzarət bu prosesin əsas tələbləri sırasındadır. Bu mühüm nailiyyət “Ulduz” Şokolad Fabrikinin peşəkar komandasının məsuliyyətinin və beynəlxalq standartlara sadiqliyinin real nəticəsidir.

KOSHER sertifikatı "Ulduz" məhsullarının İsrail, ABŞ və dünyanın müxtəlif ölkələrində yaşayan yəhudi icmalarına daha geniş şəkildə təqdim olunmasına imkan yaradır, eyni zamanda şirkətin qlobal bazarlarda rəqabət gücünü əhəmiyyətli dərəcədə artırır.

Qeyd edək ki, bu nailiyyət müəssisənin artıq sahib olduğu IFS, BRC, GSO 2055-1 Halal Qida Standartı, JAKIM Halal Standartı, ISO 9001 və ISO 22000 kimi nüfuzlu beynəlxalq standartlarla birlikdə "Ulduz" brendinin etibarlı və yüksək keyfiyyətli istehsalçı imicini daha da möhkəmləndirir.

Əldə olunan uğur hər bir əməkdaşın zəhmətinin və birgə əməyinin nəticəsidir. Bu nailiyyət bir daha sübut edir ki, "Ulduz" brendi beynəlxalq səviyyədə ən yüksək tələblərə cavab verən güclü və etibarlı istehsalçı kimi mövqeyini davamlı şəkildə möhkəmləndirir.

Veysəloğlu Şirkətlər Qrupu olaraq bu uğur münasibətilə bütün komandamızı təbrik edir, hər bir əməkdaşımıza təşəkkürümüzü bildiririk.