Bölgələrdə “Himayədar ailə” mövzusunda görüşlər keçirildi
Bizi izləyin

Sosial

Bölgələrdə “Himayədar ailə” mövzusunda görüşlər keçirildi

Bölgələrdə “Himayədar ailə” mövzusunda görüşlər keçirildi

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi tərəfindən “Himayədar ailə” institutunun təbliği məqsədilə bir sıra rayon və şəhərlərdə yerli sakinlərlə görüşlər keçirilib.

Bu barədə Publika.az-a nazirlikdən məlumat verilib.

Bildirilib ki, Qax, Bərdə, Biləsuvar, Şirvan, Salyan, Saatlı, Göyçay və Neftçalada təşkil edilən görüşlərdə 300-dən çox vətəndaş iştirak edib.

Görüşlər zamanı “Himayədar ailə” qayğı modelinin üstünlüklərindən bəhs edilib. Qeyd edilib ki, bu model valideyn himayəsindən məhrum olmuş uşaqların ailə mühitində böyüməsinə, onların fiziki, psixoloji və sosial inkişafının dəstəklənməsinə yönəlmiş alternativ qayğı növüdür.

Eyni zamanda himayədar valideyn olmaq üçün müraciət qaydaları, namizədlərə dair tələblər və seçim mərhələləri barədə məlumat verilib.

Sonda iştirakçıların sualları cavablandırılıb və mövzu ətrafında fikir mübadiləsi aparılıb.

Medial

Medial

Medial

Oxumağa davam et
Reklam
Reklam

Gündəm

Zəfaran Hospital
Səba