Azərbaycanlıları evində qul kimi işlədən erməni generalın DƏHŞƏTLİ ƏMƏLLƏRİ ÜZƏ ÇIXDI - ŞOK VİDEOFAKT

Bir neçə gün əvvəl bağ evində qanunsuz silah və döyüş sursatlarının aşkar edilməsi, həmçinin 2016-cı ilin aprel döyüşlərində erməni əsgərlərinə göndərilmiş yardımı mənimsəməkdə təqsirli bilinərək həbs olunan sabiq müdafiə nazirinin müavini Manvel Qriqoryanla bağlı yeni tükürpədici faktlar ortaya çıxıb.

Publika.az asekose.am saytına istinadən xəbər verir ki, onun bağ evində axtarışlar zamanı aşkarlanan arxiv fotoları erməni generalın azərbaycanlılarla yanaşı, erməniləri də qul kimi saxladığı və onlara işgəncələr verdiyini müəyyən edib.

Arxiv fotolarına görə, general ona haqq vermədiyi üçün erməni iş adamlarını evinin zirzəmisində qul kimi saxlayıb. Daha dəhşətli fakt isə Ağdərə rayonunda 1994-cu il martın 24-də baş verən hadisə ilə bağlıdır. İnternetdə yayılna videoya görə, Manvel Qriqoryanın əmri ilə asılan bir erməni əsgərin cəsədi ipdən endirilir. Manvel Qriqoryanın evindən həmçinin Ağdərədə ona tabe olmayan erməni düyüşçüsünü asaraq öldürdüyünü əks etdirən foto da aşkarlanıb.

Daha əvvəl isə erməni saytları onun guya azərbaycanlılar tərəfindən asdığını iddia etmişdilər.

Qeyd edək ki, Manvel Qriqoryan Qarabağ müharibəsində azərbaycanlılara qarşı qəddarlıqları ilə yadda qalıb. O, sonrakı dövrdə bu qəddarlığının “çörəyini yeyib”. Qriqoryan haqqında yayılan məlumatlara görə, o, müharibə zamanı erməni hərbi birləşmələri tərəfindən əsir götürülən azərbaycanlılardan birini öz evində 4 il müddətində qul kimi işlədib.

Ömər