Sarkisyandan Paşinyanla bağlı ŞOK SÖZLƏR: 9 dekabrda... - Qorxunc PLAN

“Ermənistanda baş nazir səlahiyyətlərini icra edən Nikol Paşinyan səhvlərini ört-basdır etmək üçün günahı xalqın üzərinə atır. Guya xalq tamamilə əksinqilabçıdır. İnsanlar baş nazirdə iş yeri, pensiya tələb edir, yolların çəkilməsini istəyir”.

Publika.az xəbər verir ki, bu barədə Ermənistanın keçmiş müdafiə naziri Viqen Sarkisyan deyib.

Sarkisyan qeyd edib ki, Paşinyan günahı xalqın belinə yükləyərək, fəaliyyətinə ciddi səhvlər etməklə başladı.

“Cənab Paşinyan, hakimiyyət dünyasına xoş gəlmisiniz. Bundan sonra xalq yolu, məktəbi, xəstəxananı, pensiyanı, hətta maddi yardımı sizdən tələb edəcək. Tənqid etmək yerinə bir az işləmək lazımdır. Razıyam, bu, o qədər də asan deyil. İnsanlara real iş yerləri lazımdır, bunun üçün əvvəlcə investisiyalar lazımdır və hər şeydən əvvəl investorlara hörmət edilməlidir. Yeri gəlmişkən, çıxışınız zamanı “10 iqtisadi faktda” səhv rəqəmlər var idi. Sizin iqtisadiyyat naziriniz, yaxud referentiniz kimdir? Ermənistanda işləyən və vergi verənlərin sayı 350 min yox, ən azı 500 mindir. Lakin kənd təsərrüfatı bura daxil deyil. Yeri gəlmişkən, sizin müşaviriniz yaxın vaxtlarda dövlət sektorunda 150 min iş yerini azaldacaqlarını bildirdi. İşdən çıxarılanlar özəl sektoruna keçəcək. Bu növbədənkənar seçkilərə qədər olacaq, ya yox? Düşünürəm, bunu indidən açıqlamaq lazımdır ki, insanlar 9 dekabrda buna görə səs versinlər. Xahiş edirəm, 7 dəfə düşünün, bir dəfə edin. Və siz öz çıxışınızda bildirdiniz ki, insanların maddi yardımlarını kəsəcəksiniz ki, onlar işləsinlər. Belə “islahatlardan” ilk öncə aşağı təbəqə əzab çəkir. Bunu etməyin”, - deyə Sarkisyan bildirib.

V.Sarkisyan Paşinyana xitabən qeyd edib ki, vəziyyət daha da pisləşəcək.

Asif