Cənubi Qafqaz

Azərbaycanlı əsirləri qul kimi işlədən general yenidən həbsə göndərilir

22 Dekabr 2018 17:14

Ermənistanın baş prokurorluğu keçmiş deputat, “Yerparka” yarımhərbi təşkilatın rəhbəri, Qarabağ müharibəsində azərbaycanlılara qarşı soyqırımın əsas iştirakçısı olmuş Manvel Qriqoryanın azadlığa buraxılması ilə bağlı məhkəmə qərarından apelyasiya şikayəti verəcək.

Publika.az xəbər verir ki, bu barədə baş prokurorluğun nümayəndəsi Arevik Xaçatryan deyib.

Xaçatryan bildirib ki, məhkəmənin Qriqoryanla bağlı qərarı əsassızdır.

Qeyd edək ki, M. Qriqoryan 25 milyon dram girov qarşılığında azadlığa çıxıb. Onun azadlığa buraxılmasına qarşı Eçmiədzin şəhərində etiraz aksiyası keçirilib. Qriqoryanın oğlu Sarkisyan dövründə Eçmiədzin şəhərinin meri olub.

M. Qriqoryan azərbaycanlı əsirləri evində qul kimi işlətməsi ilə də məşhurdur.

Asif