Cənubi Qafqaz
Paşinyanın taleyini müəyyən edəcək ÜÇ ŞƏRT: öldürücü HÜCUM BAŞLAYIR
Ermənistanın baş naziri vəzifələrini icra edən Nikol Paşinyanın Rusiyaya son səfəri və prezident Vladimir Putinlə görüşü işğalçı ölkənin yeni hakimiyyəti üçün növbəti fiasko ilə nəticələndi. Bu, səfərdən qayıdan Paşinyan tərəfindən də İrəvanda etiraf edildi. Ən əsası, Ermənistan üçün həyati əhəmiyyət daşıyan təbii qazın qiyməti məsələsində razılaşmaq mümkün olmadı.
Moskvada iqtisadi zərbə alan Paşinyan yeni saatlarda siyasi zərbə aldı. Paşinyan Moskvada olduğu vaxtda Putin həbsdə olan Ermənistanın keçmiş prezidenti Robert Koçaryana təbrik göndərdi.
Publika.az xəbər verir ki, erməni siyasi şərhçi Naira Ayrumyanın sözlərinə görə, Ermənistan Rusiyanın növbəti hücumun şahidi olacaq və nəticədə qaz qiymətlərinin yüksəldəilməsi istisna edilmir.
“Putin görüşdə hansı şərtlər irəli sürdü və Nikol Paşinyan niyə razılaşmamağa qərar verdi? İtkilərə və hadisələrin ardıcıllığına əsasən, “Qazprom”un başçısı Aleksey Miller 1000 kubmetr qaz üçün indi 150 dollar yerinə 215 dollar “start qiyməti”ni təklif etdi. Rusiyanın şərtlərindən biri, görünür ki, girov qarşılığında Robert Koçaryanın azad olunmasıdır. Demək çətindir, Rusiya Koçaryan üçün nə qədər verməyə hazırdır, amma bu, tək açıq şərt deyil. Daha bir şərti Rusiyanın Xarici İşlər Nazirliyinin başçısı Sergey Lavrov səsləndirdi: Ermənistandakı Amerika hərbçilərinin çıxarılması. Söhbət ABŞ-ın biolaboratoryasının bağlanması, ABŞ-ın Ermənistan vasitəsilə regiona girişinin qarşısının alınmasından gedir. Üçüncü şərt 102-ci Rusiya bazasının hərbi qulluqçuları tərəfindən törədilən qətllərin siyasiləşdirilməməsidir. Başqa sözlə, Ermənistanda bazanın olması şərtlərinə yenidən baxılmasını tələb etməmək”, - Ayrumyan yazıb.
Ekspert qeyd edir ki, Paşinyan Moskvadan İrəvana qayıtdığı gün məhkəmənin girov qarşılığında Koçaryanın azad edilməsi haqqında məsələnin müzakirəsini 9 yanvara qədər təxirə salması Paşinyanın Koçaryan üzrə şərt qəbul etmədiyini göstərir. Amerika hərbçiləri və Rusiya bazasına gəlincə, Onun sözlərinə görə, bu, Paşinyanın əlindəki “kozır”lardır.
Ömər
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR
-
Ekopublika.az06:10
Bakıda taksi qiymətləri BAHALAŞDI - SƏBƏB
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı