Cənubi Qafqaz

Azərbaycanlı əsirləri evində qul kimi işlədən generalı yenidən həbs edəcəklər

22 Yanvar 2019 14:29

Ermənistan müdafiə nazirinin keçmiş müavini, parlamentin sabiq deputatı, "Erkrap" könüllü ittifaqının sədri olmuş Manvel Qriqoryan yenidən həbs ediləcək.

Publika.az “news.am” saytına istinadən xəbər verir ki, bu haqda qərarı Ermənistan Apellyasiya Məhkəməsinin hakimi Arsen Nikoqosyan qəbul edib.

Beləliklə, məhkəmə Baş Prokurorluğunun şikayətini təmin edib.

Qeyd edək ki, Manvel Qriqoryan ötən il iyunun 19-də saxlanılıb. O, qanunsuz silah-sursat saxlamaqda, əmlak mənimsənilməsində ittiham edilir. Manvel Qriqoryanın ötən il dekabrın 21-də 52 min dollar (25 milyon dram) məbləğində girov qarşılığında zaminə buraxılıb. O, zaminə buraxılandan sonra yenidən həbs olunması tələbiylə etiraz aksiyaları başlayıb.

Qriqoryan azərbaycanlı əsirləri evində qul kimi işlətməsi ilə də məşhurdur.