Paşinyan-Koçaryan qarşıdurması AVROPAYA DAŞINIR

Ermənistanın keçmiş prezidenti Robert Koçaryanın vəkilləri onun həbsi ilə bağlı Kassasiya Məhkəməsinin qərarından İnsan Hüquqları üzrə Avropa məhkəməsinə şikayət edəcəklər.

Publika.az Ermənistan KİV-inə istinadən xəbər verir ki, bu haqda keçmiş prezidentin vəkili Ayk Alumyan jurnalistlərə bildirib.

“Biz məhkəmənin qərarından mütləq şikayət edəcəyik. Daha bir şikayət İnsan Hüquqları üzrə Avropa Məhkəməsinə göndəriləcək və Kassasiya Məhkəməsinə qarşı iddia irəli sürüləcək”, - Alumyan deyib.

O qeyd edib ki, Apellyasiya Məhkəməsinin qərarını son dərəcə mənfi qiymətləndirir:

“Bu qərarda hüquqi komponent sıfra bərabərdir. Bu siyasi qərardır və Koçaryan növbəti dəfə əmin oldu ki, ona qarşı siyasi təqib həyata keçirilir”, - vəkil söyləyib.

Daha əvvəl sabiq prezidentin daha bir vəkili Ruben Saakyan jurnalistlərə bildirib ki, prezident toxunulmazdır və onun günahını sübuta yetirəcək heç bir əsaslandırılmış fakt yoxdur.

Qeyd edək ki, Xüsusi İstintaq Xidməti 2018-ci il iyulun 26-da 2018-ci il 1 mart etiraz aksiyalarının dağıdılması haqqında cinayət işi çərçivəsində keçmiş prezidenti konstitusiya quruluşunu pozmaqda ittiham edib.

Ömər