ABŞ-dan İrəvanı ŞOK SALACAQ ADDIM: buna görə erməni nazirin...

Vaşinqton Ermənistanın Xarici İşlər Nazirliyinin başçısı Zoqrab Mnatsakanyanın ABŞ-a planlaşdırılan səfərini ləğv edib.

Publika.az xəbər verir ki, bu haqda ölkənin Xarici İşlər Nazirliyindəki şəxsi mənbələrə istinadən “Qraparak” qəzeti yazıb.

Mənbəyə görə, İrəvan səfərin təşkili üçün uzun müddətdir işləyirdi.

“Bizim mənbəmiz bildirir ki, burada Ermənistanın baş naziri Nikol Paşinyan və ABŞ prezidentinin milli təhlükəsizlik məsələləri üzrə məsləhətçsi Con Bolton arasında telefon söhbəti mühüm rol oynadı. Ancaq Suriyaya erməni missiyasının göndərilməsi haqqında qərar səfərin ləğvinə səbəb oldu. Hərçənd Xarici İşlər Nazirliyi bütün yollarla vəziyyəti düzəltməyə çalışır, xüsusi halda, ABŞ-ın dövlət katibi Mayk Polmpeo ilə Mnatsakanyan arasında telefon danışığı olub, amma vəziyyəti dəyişməyib, hələlik bütün səylər hədərdir”, - nəşr yazıb.

İstisna edilməyib ki, səfərin təşkili üçün İrəvan erməni lobbisindən kömək istəyəcək.

“Yeri gəlmişkən, Vaşinqtondakl səfirimiz ən yaxşı vəziyyətdə deyil”, - qəzet mənbədən sitat gətirib.

Ömər