Rusiyanın adamının kafedə Paşinyanla gizli görüşü: Qarabağ mesajı - FOTO

Ermənistanın baş naziri Nikol Paşinyan Rusiyanın adamı olan keçmiş baş nazir Karen Karapetyanın qardaşı, biznesmen Samvel Karapetyanla görüşüb.

Publika.az Ermənistan mediasına istinadən xəbər verir ki, Paşinyanla Karapetyanın görüşü kafedə keçirilib və onlar şəhəri birlikdə gəziblər.

Görüşdə nələrin müzakirə edildiyi məlum deyil, lakin “Forbs” nəşri yazır ki, görüşün sonuna yaxın axşam saatlarında onlara Karen Karapetyan da qoşulub. Ehtimallara görə, əsas müzakirə mövzusu Ermənistan-Rusiya münasibətlərindəki problemlər və investisiyanın yoxluğu olub. Görüşdə siyasi məsələlərdən çox pul məsələləri müzakirə olunub.

“Çünki onlar keçmiş oliqarxlardır və Ermənistandakı bizneslərini Rusiya faktoru olmadan idarə edə bilmirlər”, - deyə nəşr yazıb.

Diqqətçəkən məqam Karapetyanla Paşinyanın görüşünün Rusiyanın Ermənistandakı səfiri Sergey Kopırkinlə keçmiş prezident Robert Koçaryanın görüşündən sonra keçirilməsidir.

“İrates” qəzeti yazır ki, Samvel Karapetyan Rusiyadan Paşinyana mesaj gətirmişdi.

“Karapetyan Rusiya elitasının elçisi kimi Ermənistana gəldi. Onun gətirdiyi mesajda həm siyasi, həm də iqtisadi aspektlər var idi. Maraqlıdır ki, o, Azərbaycan və Ermənistan xarici işlər nazirlərinin Vaşinqtonda planlaşdırılan görüşü ərəfəsində Paşinyanla görüşdü. Ola bilər ki, Rusiya oliqarxı bu mövzuya dair Moskvanın sözlərini Paşinyana çatdırıb”, - deyə qəzet iddia edir.

Asif