Paşinyanın Putin görməmişliyi: onu niyə təyyarəyə qədər yola saldı? - VİDEO (YENİLƏNDİ)

"Hava limanında Rusiya Prezidenti ilə ətraflı söhbətimiz, düşünürəm ki, Ermənistan-Rusiya münasibətlərinə yeni təkan verəcək".

Publika.az xəbər verir ki, bunu Ermənistanın baş naziri Nikol Paşinyan Rusiya lideri Vladimir Putini İrəvanda hava limanından yola salarkən çəkilən görüntülərinin üzərinə qeyd edib.

Paşinyan hakimiyyətə gələndən sonra ilk dəfə Ermənistana səfər edən Putinlə bağlı ötən gündən bəri artıq bir neçə dəfə paylaşım edib. Siyasi ekspertlər bunu bir liderə yaraşmayacaq tərzdə davranmaq və Paşinyanın görməmişliyi kimi şərh edir. Belə görünür ki, Putinin İrəvana səfəri Paşinyanı yeni oyuncaq almış uşaq kimi sevindirib.

***

09:58

“Rusiya prezidenti ilə daha bir saat yarımlıq görüşüm oldu”.

Publika.az xəbər verir ki, bunu Ermənistanın baş naziri Nikol Paşinyan sosial media hesabında yazıb.

Baş nazir bildirib ki, görüş Zvartnots hava limanında baş tutub. Ardınca da qeyd edib ki, Ermənistan-Rusiya münasibətləri müsbətdir və müsbət cərəyanda inkişaf edir.

Görüşün məzmunu ilə bağlı məlumat verilməyib.

Qeyd edək ki, Vladimir Putin ötən gün Avrasiya İqtisadi Birliyinin liderlər zirvəsinin görüşü üçün paytaxt İrəvana səfər etmişdi.

Zümrüd