Ermənistanın dinc sakinlərimizə atdığı dəhşətli bombalar - Daxildən xaricə doğru yandırır və...

Ermənistan ordusu Azərbaycanın mülki infrastrukturuna və dinc əhalisinə qarşı kaset tipli bomba və fosfor qazından istifadə edir.

Publika.az xəbər verir ki, bunu “Demirören” İnformasiya Agentliyinə açıqlamasında Hüquq və İnsan Haqları Məsələləri Şöbəsinin müdiri, podpolkovnik Səməd Əliyev deyib.

O bildirib ki, Ermənistan tərəfindən Füzuli, Yevlax, Goranboy, Gəncə və Tərtərə 88 ədəd partlamayan bomba, 863 mərmi, 2 dron, 178 raket mərmisi atılıb. Bundan başqa, düşmən SKAD, “Toçka-U” sistemlərindən istifadə edib. Kaset tipli bomba və fosfor qazı Silahlı Qüvvələrimiz tərəfindən zərərsizləşdirilib”.

Qeyd edək ki, sözügedən bombaların müharibə qaydalarında istifadəsi qadağan olunub. Fosfor bombasının dumanı tənəffüs yollarına düşdükdən sonra ağciyərlərdə ani yaraların əmələ gəlməsinə və havasızlıqdan boğulmaya gətirib çıxarır. Növbəti mərhələdə insanın orqanizmi daxildən xaricə doğru yanmağa başlayır. Kaset tipli bomba isə atıldığı yerdən çox uzaq məsafələrə yayılır.

Zümrüd