Ermənistan yalanını özü İFŞA ETDİ - ŞOK FAKT

17 və 18 oktyabr tarixlərində Azərbaycan Müdafiə Nazirliyi ölkəmizin hava hücumundan müdafiə bölmələrinin Cəbrayıl istiqamətində Azərbaycan Ordusunun mövqelərinə hava zərbələri endirməyə cəhd göstərən Ermənistan Hərbi Hava Qüvvələrinin Su-25 döyüş təyyarələrini məhv etməsi barədə xəbər yaydı.

Publika.az xəbər verir ki, öz növbəsində, Ermənistan Müdafiə Nazirliyinin sözçüləri - Şuşan Stepanyan və Artsrun Ovannisyan bu faktını inkar etməyə çalışdılar və eyni zamanda, Azərbaycan tərəfini dezinformasiya yaymaqda günahlandırdılar.

Lakin onların yalanları asanlıqla üzə çıxıb. Belə ki, Ermənistan Müdafiə Nazirliyi itkilərinin adlarının yer aldığı siyahı yayımlayıb. Siyahıda 40 ad var. Siyahının ən sonunda isə 1975-ci il təvəllüdlü Vyaçeslav Valeriyeviçin adına rast gəlinir. Göründüyü kimi, ölənlərin siyahısını hazırlayan Ermənistan Müdafiə Nazirliyinin əməkdaşları Voskovskinin soyadını qəsdən gizlədiblər ki, xüsusi diqqət çəkməsin. Lakin bu, nəinki, Azərbaycanın diqqətini çəkmədi. Hətta tez bir zamanda öldürülən polkovnikin Ermənistan Hərbi Hava Qüvvələrinin aviasiya hərbi hissəsinin komandir müavini olduğunu təsbit edildi. Hazırda Ermənistan Hərbi Hava Qüvvələrində polkovnikləri və hava bazası komandirlərini döyüşə göndərirlərsə, onların vəziyyəti haqqında çox danışmağa ehtiyac yoxdur.

Əsas odur ki, Ermənistan Müdafiə Nazirliyinin sözçülərinin yalanı asanlıqla ifşa edildi. Axı Azərbaycanın hava hücumundan müdafiə sistemləri Ermənistanın Su-25-lərini vurmayıbsa, onda Hərbi Hava Qüvvələrinin pilotunun cənazəsi haradan gəlib?

Görünən odur ki, Müdafiə naziri David Tonoyanın Şuşan və Artsrunu əvəzləmək barədə düşünməsinin vaxtı gəlib.