Ermənistan prezidenti: Təslim olduğumuzu KİV-dən öyrəndim

Ermənistan prezidenti Armen Sarkisyan Qarabağla bağlı heç bir müzakirə, məsləhətləşmə və danışıqda iştirak etməyib. Hər şey onun üçün sürpriz olub.

Publika.az xəbər verir ki, o, Qarabağla bağlı razılaşma barədə mətbuatdan öyrəndiyini açıqlayıb.

A.Sarkisyan dərhal siyasi məsləhətləşmələrə başladığını bildirib: "Müharibəyə son qoymağın şərtlərini də mətbuatdan öyrəndim. Bu sənədlə əlaqədar olaraq, respublikanın prezidenti kimi, təəssüf ki, mənimlə heç bir görüş və müzakirə olmadı, heç bir danışıqda iştirak etmədim".

Qeyd edək ki, Ermənistanın baş naziri Nikol Paşinyan Rusiya və Azərbaycan prezidentləri ilə saat 01:00-da Dağlıq Qarabağda hərbi əməliyyatların dayandırılması barədə bəyanat imzaladığını açıqlamışdı: "Özüm və hamımız üçün çətin, son dərəcə çətin bir qərar verdim. Saat 01:00-da Rusiya və Azərbaycan prezidentləri ilə Qarabağ müharibəsinə son qoymaq üçün bir bəyanat imzaladım. Artıq yayımlanan bəyanatın mətni şəxsən mənim üçün və xalqımız üçün sözlə görünməz dərəcədə ağrılıdır".

Zümrüd