Cənubi Qafqaz

Paşinyan ACİZ QALDI: Tsarukyan və daha 2 müxalifətçi azadlıqda

13 Noyabr 2020 08:49

Ermənistanda shəbs edilən müxalifətçilərdən bir neçəsi sərbəst buraxılıb.

Publika.az "Sputnik Ermənistan"a istinadla xəbər verir ki, həmin şəxslər Nikol Paşinyanın istefası tələbi ilə keçirilən kütləvi aksiyalarda saxlanılıblar.

Çiçəklənən Ermənistan” Partiyasının lideri Qaqik Tsarukyan , “Respublikaçılar” Partiyasının mətbuat katibi Eduard Şarmazanov və “Daşnaksütyun” Partiyasının nümayəndəsi Qeqam Manukyan sərbəst buraxılıblar.

Qeyd edək ki, onların hər üçü Ermənistan Respublikası Cinayət Məcəlləsinin 225.1-ci maddəsinə (icazəsiz mitinqin təşkili və iştirak) əsasən saxlanılmışdı. Maddə 200-300 min dram (təxminən 500-600 dollar) cərimə və ya 15 gündən 2 aya qədər həbs nəzərdə tutur.

Daha əvvəl “Vətən” Partiyasının lideri Artur Vanetsyan və “Daşnaksütyun” Partiyasının nümayəndəsi İşxan Saqatelyan sərbəst buraxılmışdılar.