Cənubi Qafqaz

SON DƏQİQƏ: Gürcüstanda "Britaniya virusu" aşkarlandı

4 Yanvar 2021 18:12

Böyük Britaniyada aşkar olunan və sürətli yayılan yeni növ koronavius Gürcüstanda aşkar olunub.

Publika.az xəbər verir ki, bu barədə Xəstəliklərə Milli Nəzarət Mərkəzinin rəhbər müavini Paata İmnadze Səhiyyə Nazirliyində keçirilən mətbuat konfransında açıqlama verib.

İmnadze yeni növ virusun 50 yaşlı kişidə aşkar olunduğunu bildirib:

"Koronavirusun yeni növü ilə bağlı üç nəfər test olundu, onlardan bir nəfərində test müsbət nəticələndi. Hazırda virusa yoluxan şəxs klinikada nəzarət altında olan bir pasiyentdir vəziyyəti yaxşıdır. Həkimlər tərəfindən onun təmasda olduğu insanlar araşdırılır. Deyərdim ki, yeni koronavirusa yoluxmuş şəxs artıq praktik olaraq sağalıb".

Paata İmnadzenin sözlərinə görə, yeni növ virus, koronavirusdan təsiri və ya ölümcüllüyü ilə fərqlənmir, baxmayaraq ki, mövcud virusdan daha sürətli ötürmə qabiliyyətinə malikdir. İmnadze bu səbəbdən də təhlükəsizlik tədbirlərinin qorunmasının vacib olduğunu bildirib.