Cangiryan hakimiyyəti ələ keçirmək istəyir - “Qraparak”

Ermənistanın keçmiş hərbi prokuroru Qaqik Cangiryan məhkəmə hakimiyyətini ələ keçirmək istəyir.

Publika.az xəbər verir ki, bu barədə ölkənin “Qraparak” qəzeti yazır.

Nəşr Ali Məhkəmə Şurasının üzvü Qaqik Cangiryanın həmkarları ilə görüşlərinin təfərrüatlarını təqdim edib. Bildirilib ki, Cangiryan birinci instansiya məhkəməsinin hakimləri, habelə Ali Məhkəmənin yeni sədri Lilit Tadevosyan ilə fəal əlaqədədir. Cangiryan artıq 3-cü dəfə bu vəzifəyə seçilən Kassasiya Məhkəməsi sədrini 3 dəfə ziyarət edib və hakimlərin işinin əlaqələndirilməsini onunla müzakirə edib.

Bundan əlavə, bir neçə dəfə Ermənistan baş nazirinin hüquqi məsələlər üzrə köməkçisi Anna Vardapetyan ilə görüşüb. Hakim Karine Petrosyan da bu barədə qəzetə bildirib.

“Yeri gəlmişkən, Cangiryan 1 gün əvvəl həyata keçirilmiş həbslər məsələsində də passiv deyildi. Bəzi məlumatlara görə, hökumət başçısı ona bunun ilk sınaq olduğunu və adamlarının bunu necə həyata keçirdiyini izləyəcəklərini söyləyib. Nəticə “pis deyil” kimi görünür: Cangiryan və birinci instansiya məhkəməsi sədrinin səyləri ilə 4-5 nəfərlik qrupdan ikisi həbs olundu”,- qəzet yazıb.

Zümrüd