Cənubi Qafqaz

15 dəqiqəlik yolu Gorusa 1 saata gedirik - Ohancanyan

22 Noyabr 2021 16:13

"Hazırda biz Azərbaycan tərəfinin post qurduğu Şahverdilər-Şurnux yolundan istifadə etmirik. Alternativ yolla hərəkət etmək çox çətindir. İndi 15 dəqiqəlik yolu Gorusa 1 saata gedirik".

Publika.az xəbər verir ki, bunu Şurnux kəndinin icma rəhbəri Seyran Ohancanyan deyib. O bildirib ki, hazırda kəndin ərzaq təminatı və digər yerlərlə əlaqəsi daha uzun, daha bərbad olan alternativ yollarla təmin edilir:

"Qarşıdan qış gəlir. Bəzi hissələrdə demək olar ki, yol yoxdur. Deyirlər ki, yenidənqurma işlərinə başlamışıq, amma nəticəni görə bilmirik. Qısa yoldan istifadə üçün gərək Azərbaycan tərəfinə gömrük haqqı ödəyək. Ona da imkanımız çatmır".

Tural Turan