Cənubi Qafqaz

Mitinqlər pik həddə çatacaq - Müxalifət lideri

1 Dekabr 2021 09:18

"Tarixi qələbələr 2, 3 və 4 mitinqlə bitmir... mitinqlər pik həddə çatacaq".

Publika.az gürcü mediasına istinadla xəbər verir ki, bu barədə Gürcüstanın Vahid Milli Hərəkat Partiyasının lideri Nika Melia "Mtavari Arxi" kanalının efirində çıxışı zamanı deyib. O bildirib ki, xüsusən də əsl tarixi şəxsiyyətin əsirlikdən azad edilməsi prosesi 2, 3, 4 etirazla bitə bilməz:

"Biz öyrəşməliyik ki, hər bir vətəndaşın etiraz aksiyasında daimi iştirakı tezliklə qazanılacaq uğurun ən böyük şərtidir. Etirazların pik nöqtəsi gələcək və etiraz hərəkatı bu zirvəyə hazır olmalıdır. Çox iş görmək vacibdir".

Melia həmçinin növbədənkənar parlament seçkilərinə də diqqət çəkib: "Bu ölkədə yeni seçkilərin keçiriləcəyini bilirlər və buna görə də seçkilərlə bağlı konstitusiya dəyişikliklərindən danışırlar. Bütün bunlar onların iradəsi əleyhinə keçiriləcək, məcbur olacaqlar. Bunu kim edəcək? Cəmiyyət!"

Tural Turan