Cənubi Qafqaz

Gürcüstan milli təhlükəsizlik konsepsiyasını təkmilləşdirir

14 Dekabr 2021 03:43

Gürcüstanın milli təhlükəsizlik konsepsiyasına dəyişikliklər ediləcək. Dəyişikliklərlə milli təhlükəsizliyin yeni strategiyası daha da təkmilləşəcək.

Publika.az xəbər verir ki, yenilənmiş milli təhlükəsizlik strategiyası 2022-ci ilin birinci rübündə təsdiq olunacaq.

Gürcüstan Milli Təhlükəsizlik Şurasının Baş nazir İrakli Qaribaşvilinin sədrliyi ilə keçirilən iclasında bildirilib ki, milli təhlükəsizlik konsepsiyasının yeni variantında bir sıra vacib məsələlər nəzərdə tutulub.

Gürcüstan hökuməti daxili və xarici təhdidlərin qiymətləndirilməsinə dair sənədi də yeniləyəcək. Mühüm əhəmiyyət kəsb edən infrastrukturun mühafizəsi haqqında da yeni qanun qəbul edəcək.

Şuranın iclasında regional təhlükəsizlik mühiti və cari proseslər, eyni zamanda, kibertəhlükəsizlik sahəsində islahatlar da nəzərdən keçirilib.