Gürcüstanda ŞOK QADAĞA: 1 milyon insan...

Gürcüstanda şans və qumar oyunlarının reklamına tətbiq edilən məhdudiyyətlər mart ayından etibarən qüvvəyə minəcək.

Publika.az gürcü mediasına istinadla xəbər verir ki, bu barədə hakim partiyanın deputatı İrakli Zarkua bildirib.

Gürcü jurnalistlər televiziyaların şans oyunları ilə bağlı məhdudiyyətlərin sentyabrdan etibarən qüvvə minməsini tələb etdikləri barəsində deputata sual ünvanlayıblar. O isə sözügedən məhdudiyyətlərin qüvvəyə minməsi üçün mart ayının uyğun vaxt olduğunu bildirib:

"Qanun layihəsinin ilk dinləmələrindən sonra, müxtəlif televiziyalar məhdudiyyətlərin qüvvəyə minməsi tarixinə yenidən baxılması ilə bağlı ədalətli tələb irəli sürüblər. Biz bütün bunları nəzərə alaraq televiziyalar üçün reklamlarla bağlı məhdudiyyətlərin mart ayından etibarən qüvvəyə minməsi qərarını verdik. Vaxtın uzadılmasından təqribi olaraq 3 ay keçir. Hesab edirəm ki, bu vaxt bütün televiziyaların üçün yetərlidir".

Xatırladaq ki, Gürcüstan hökumətinin kazinolarla bağlı elan etdiyi məhdudiyyət təşəbbüsü artıq parlamentə təqdim olunub və qanun layihəsi təsdiq olunarsa 1 milyon vətəndaşın qumar və şans oyunları oynaması qadağan ediləcək.

Tural Turan