İrəvandan KRİTİK GEDİŞ: Zatulinin Ermənistana girişinə QADAĞA QOYULDU

"Ermənistan Milli Assambleyasının rəhbərliyi həqiqətən də Rusiya Dövlət Dumasının MDB işləri, Avrasiya inteqrasiyası və həmvətənlərlə iş komitəsi sədrinin birinci müavini Konstantin Zatulinə məktub göndərib ki, bu da onun Ermənistana səfərinin arzuolunmazlığını göstərir".

Publika.az xəbər verir ki, bu barədə "Sputnik Ermənistan"a Ermənistan Pparlamentinin sədrinin mətbuat katibi Tsovinar Xaçatryan məlumat verib.

“Mən təsdiq edirəm ki, cənab Zatulinə müvafiq məzmunlu məktub göndərilib”, - Xaçatryan bildirib.

Lakin o, bu qərarı şərh etməyib.

Çərşənbə axşamı günü baş nazirin ailəsinə məxsus olan "Haykakan Jamanak" resursu Zatulinin Ermənistana girişinin qadağan olunduğunu bildirib.

Rusiyalı deputatın "Telegram" kanalınında dərc edilən məlumatda deyilir ki, oktyabrın 25-də o, Dövlət Dumasının deputatının rəsmi elektron poçtuna onun Ermənistan Respublikasına gəlməsinin “arzuolunmazlığı” barədə elektron məktub alıb.

Zatulin artıq məktuba münasibət bildirib və qeyd edib ki, o, bunu təhqiredici addım kimi qiymətləndirir.

Hüseyn İbadlı